Skip to content
June 29, 2022
  • facebook
  • telegram
  • youtube
  • tiktok
Information News Era

Information News Era

Information News Era

Primary Menu
  • ទំព័រដើម
  • សន្តិសុខ សង្គម
  • នយោបាយ
  • ព័ត៌មានជាតិ
  • អន្តរជាតិ
  • សេដ្ឋកិច្ច
  • កម្សាន្ត
  • បច្ចេកវិទ្យា
  • សុខភាព សម្រស់
Live
  • Home
  • នយោបាយ
  • នយោបាយ

ហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ បានអញ្ជើញជាអធិបតី ក្នុងពិធីប្រកាសចូលកាន់មុខតំណែងអភិបាល …

superadmin October 9, 2021 1 min read

នាព្រឹកថ្ងៃចន្ទ ១៣រោច ខែភទ្របទ ឆ្នាំឆ្លូវ ត្រីស័ក ព.ស២៥៦៥ ត្រូវនឹងថ្ងៃទី៤ ខែតុលា ឆ្នាំ២០២១នេះ សម្ដេចក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ បានអញ្ជើញជាអធិបតី ក្នុងពិធីប្រកាសចូលកាន់មុខតំណែងអភិបាល នៃគណៈអភិបាលខេត្តស្ទឹងត្រែង។ ពិធីប្រកាសនេះ បានប្រារព្ធឡើងបន្ទាប់ពីព្រះករុណាជាអម្ចាស់ជីវិតលើត្បូង ព្រះបាទសម្ដេចព្រះបរមនាថ នរោត្តម សីហមុនី បានចេញព្រះរាជក្រឹត្យត្រាស់បង្គាប់តែងតាំងឯកឧត្តម ស្វាយ សំអ៊ាង ជាអភិបាលនៃគណៈអភិបាលខេត្តស្ទឹងត្រែង។

ក្រោមអធិបតីភាពសម្ដេក្រឡាហោមឧបនាយករដ្ឋមន្រ្តី ពិធីប្រកាសចូលកាន់មុខតំណែងអភិបាលខេត្តស្ទឹងត្រែងនាឱកាសនេះ មានការអញ្ជើញចូលរួមពីឯកឧត្តម ឡូយ សុផាត ប្រធានគណៈកម្មការទី៣នៃរដ្ឋសភា និងជាអ្នកតំណារាស្រ្តមណ្ឌលស្ទឹងត្រែង ឯកឧត្តម ផៃ ប៊ុនឈឿន រដ្ឋលេខាធិការប្រចាំការក្រសួងបរិស្ថាន និងជាប្រធានក្រុមការងាររាជរដ្ឋាភិបាលចុះជួយមូលដ្ឋានខេត្តស្ទឹងត្រែង ឯកឧត្តម លោកជំទាវជារដ្ឋលេខាធិការ អនុរដ្ឋលេខាធិការក្រសួងមហាផ្ទៃ ព្រមទាំងថ្នាក់ដឹកនាំ និងមន្ត្រីរាជការចំណុះរដ្ឋបាលខេត្តស្ទឹងត្រែង។

ក្នុងឱកាសនោះ ឯកឧត្តម ម៉ុម សារឿន បានធ្វើរបាយការណ៍ជូនសម្ដេក្រឡាហោម ស ខេង ឧបនាយករដ្ឋមន្រ្តី ព្រមទាំងអង្គពិធីអំពីស្ថានភាពទូទៅក្នុងខេត្ត ពិសេសលទ្ធផលការងារសំខាន់ៗមួយចំនួនដែលខេត្តសម្រេចបានក្នុងរយៈពេលដែលឯកឧត្តមកាន់តួនាទីជាអភិបាលនៃគណៈអភិបាលខេត្តស្ទឹងត្រែង។ បន្ទាប់មកមន្រ្តីជាន់ខ្ពស់ក្រសួងមហាផ្ទៃបានអញ្ជើញអានព្រះរាជក្រឹត្យត្រាស់បង្គាប់តែងតាំងឯកឧត្តម ស្វាយ សំអ៊ាង ជាភិបាលខេត្តស្ទឹងត្រែង ការប្រគល់ត្រា និងព្រះរាជក្រឹត្យ មុនពេលឯកឧត្តមថ្លែងការប្ដេជ្ញាចិត្ត។

អញ្ជើញមានប្រសាសន៍នាឱកាសនោះ សម្ដេចក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ បានថ្លែងអំណរគុណ និងសម្ដែការកោតសរសើរ ឯកឧត្តម ម៉ុម សារឿន ដែលបានដឹកនាំមន្ត្រីរាជការ និងកងកម្លាំងចំណុះរដ្ឋបាលខេត្តស្ទឹងត្រែង ខិតខំយកចិត្តទុកដាក់បំរើជាតិ និងប្រជាជន ពិសេសការខិតខំអនុវត្តវិធានរាជរដ្ឋាភិបាល ក្នុងការប្រយុទ្ធប្រឆាំងនឹងជំងឺកូវីដ-១៩ និងបានខិតខំបំពេញភារកិច្ចជាច្រើនទៀតដើម្បីបំរើសេចក្ដីត្រូវការរបស់ប្រជាពលរដ្ឋក្នុងខេត្ត និងដើម្បីអភិវឌ្ឍន៍ខេត្តក្នុងរយៈពេលកន្លងមក។

សម្ដេចក្រឡាហោម ស ខេង ឧបនាយករដ្ឋមន្រ្តីក៏បានគូសបញ្ជាក់ពីភាពចាំបាច់របស់រាជរដ្ឋាភិបាល ដែលបានផ្ទេរភារកិច្ចឯកឧត្តម ស្វាយ សំអ៊ាង ពីអភិបាលខេត្តមណ្ឌលគិរីមកជាអភិបាលខេត្តស្ទឹងត្រែង និងបានសម្ដែងក្ដីសង្ឃឹមជឿជាក់ថាឯកឧត្តម ស្វាយ សំអ៊ាង នឹងខិតខំបំពេញភារកិច្ចបំរើជាតិ និងប្រជាជនក្នុងខេត្តស្ទឹងត្រែងឱ្យបានល្អ ហើយជាមួយគ្នានេះសម្ដេចស្នើឱ្យថ្នាក់ដឹកនាំ មន្រ្តីរាជការស៊ីវិល និងកងកម្លាំងទាំងអស់ ចូលរួមផ្ដល់កិច្ចសហការ មានសាមគ្គីភាព និងគាំទ្រឯកឧត្តម ស្វាយ សំអ៊ាង ក្នុងការបំពេញរកិច្ចថ្មីនេះ។

សម្ដេចក្រឡាហោមក៏បានគូសបញ្ជាក់អំពីកិច្ចការសំខាន់ៗដែលត្រូវយកចិត្តទុកដាក់នាពេលបន្តបន្ទាប់ខាងមុខនេះ ដូចជាការបោះឆ្នោតជ្រើសរើសសមាជិកក្រុមប្រឹក្សា ឃុំ សង្កាត់ និងការបោះឆ្នោតជ្រើសតាំងតំណាងរាស្រ្តជាដើម។ ជាមួយគ្នានេះសម្ដេចក៏បានគូសបញ្ជាក់អំពីការការពារសន្តិភាព សន្តិសុខ និងសណ្ដាប់ធ្នាប់សាធារណៈដែលជាបញ្ហាគន្លឹះនាំឱ្យវិស័យផ្សេងៗទៀតដំណើរការទៅបាន។ សម្ដេចបានណែនាំឱ្យយកចិត្តទុកដាក់បន្តអនុវត្តគោលនយោបាយភូមិ ឃុំ សង្កាត់មានសុវត្ថិភាពឱ្យបានជាប្រចាំ ដើម្បីរួមចំណែកពង្រឹងសន្តិភាព សន្តិសុខ និងសណ្ដាប់ធ្នាប់នេះ។

សម្ដេចក្រឡាហោមក៏បានទាញចំណាប់អារម្មណ៍អង្គពិធីអំពីការរៀនរស់ជាមួយកូវីដ-១៩ និងបានគូសបញ្ជាក់អំពីកិច្ចខិតខំប្រឹងប្រែងរបស់រាជរដ្ឋាភិបាលក្រោមការដឹកនាំរបស់សម្ដេចតេជោ ដែលបានខិតខំដាក់ចេញវិធានការនានា ព្រមទាំងការខិតខំទិញនិងស្នើសុំវ៉ាក់សាំងមកជាក់ជូនប្រជាពលរដ្ឋ។ ចំពោះការរៀនរស់ជាមួយកូវីដ-១៩ សម្ដេចក្រឡាហោមបានមានប្រសាន៍ថា ភារកិច្ច និងកិច្ចការនានាត្រូវតែបន្តនិរន្តរភាព ប៉ុន្តែជាមួយគ្នានេះ យើងត្រូវមានការប្រុងប្រយ័ត្ន ដូចជាការអនុវត្តវិធានការ៣កុំ ៣ការពារជាដើម។

សម្ដេចក្រឡាហោមក៏បានណែនាំឱ្យរដ្ឋបាលខេត្ត បន្តយកចិត្តទុកដាក់លើភារកិច្ចដ៏មានសារៈសំខាន់បំផុតមួយទៀត គឺការការពារបូរណភាពទឹកដី ដោយសម្ដេចបានសង្កត់ធ្ងន់ថានេះគឺជាភារកិច្ចរួមរបស់យើងទាំងអស់គ្នា។ សម្ដេចក៏បានណែនាំឱ្យយកចិត្តទុកដាក់ការពារធនធានធម្មជាតិ ដែលជាទ្រព្យសម្បត្តិរបស់ជាតិ។ ជាមួយគ្នានេះសម្ដេចក៏បានបន្តលើកឡើងអំពីរបៀបរបបការងាររបស់រដ្ឋបាលខេត្ត ដើម្បីធានាប្រសិទ្ធភាពការងារ និងរក្សាបានសាមគ្គីភាពផ្ទៃក្នុង។

សម្ដេចក្រឡាហោមបានណែនាំក្នុងន័យដើមថា«យើងផ្ដល់សារៈសំខាន់ ផ្ដល់តម្លៃដល់ក្រុមប្រឹក្សាឱ្យបានខ្លាំង ព្រោះនៅថ្នាក់ខេត្ត ក្រុមប្រឹក្សាក៏ជាអង្គប្រតិបត្តិដែរ មិនមែនជាអង្គបញ្ញត្តិដែលចាំតែគណៈអភិបាលរាយការណ៍នោះទេ គឺក្រុមប្រឹក្សាមានសិទ្ធិ ប្រសិនបើគណៈអភិបាលមិនរៀបចំខ្លឹមសារកិច្ចប្រជុំ សមាជិកក្រុមប្រឹក្សា១ភាគ៣មានសិទ្ធិស្នើកោះប្រជុំ មានសិទ្ធិកោះហៅចៅហ្វាយខេត្តដើម្បីប្រជុំ។ មានកន្លែងខ្លះគណៈអភិបាលមិនខ្ចីចូលរួមប្រជុំ ហើយមិនឱ្យតម្លៃក្រុមប្រឹក្សា ដែលចំណុចនេះគឺជាការខុសឆ្គងហើយ»។

សម្ដេចបានសង្កត់ធ្ងន់ថាគណៈអភិបាលខ្លះមិនគោរពក្រុមប្រឹក្សានោះទេ ដ្បិតយល់ថាសមាជិកក្រុមប្រឹក្សានោះមានសមាសភាពមកពីអ្នកដែលធ្លាប់មានឋានៈតូចតាចជាងខ្លួន ប៉ុន្តែការគិតដូច្នេះត្រូវបានសម្ដេចចាត់ទុកថាការគិតខុស និងស្នើសុំឱ្យមានការកែប្រែចំណុចនេះ ដើម្បីពង្រឹងរបៀបរបបការងារឡើងវិញ។ សម្ដេចបានបន្តថាតួអង្គប្រធានក្រុមប្រឹក្សា និងគណៈអភិបាលត្រូវតែសាមគ្គីគ្នា ធ្វើការជាមួយគ្នា ត្រូវមានការជជែកគ្នាបើចាំបាច់ ដើម្បីរៀបចំកិច្ចប្រជុំណាមួយដែលមានសារៈសំខាន់។ សម្ដេចក៏បានគូសបញ្ជាក់ពីមន្រ្តីឱកាសនិយម មន្រ្តីប្រើអំណាចដោយរំលោភ ដោយសង្កត់ធ្ងន់ឱ្យចៀសវាងកុំធ្វើជាមន្រ្តីបែបនេះឱ្យសោះ ព្រោះជាបញ្ហាដែលនាំផ្ទៃក្នុងមិនរឹងមាំ។

សម្ដេចក៏បានបន្តណែនាំឱ្យកចិត្តទុកដាក់លើតួអង្គ៤ដែលសំខាន់ រួមមានមេឃុំចៅសង្កាត់ ស្មៀនឃុំស្មៀនសង្កាត់ មេប៉ុស្តិ៍រដ្ឋបាលឃុំសង្កាត់ និងមេភូមិ។ សម្ដេចបានណែនាំឱ្យផ្ដល់ការលើកទឹកចិត្តដល់សមាសភាពសំខាន់ទាំង៤នេះឱ្យខិតខំយកចិត្តទុកដាក់បំពេញភារកិច្ចបំរើប្រជាពលរដ្ឋឱ្យបានល្អ បន្ថែមលើការខិតខំប្រឹងប្រែងរបស់ថ្នាក់លើ និងរាជរដ្ឋាភិបាល។ សម្ដេចបានសង្កត់ធ្ងន់ថាសមាសភាពមន្រ្តីទាំង៤ខាងលើនេះ គឺជាអ្នកកៀក និងបំពេញភារកិច្ចជាប់ជាមួយជីវភាពរស់នៅប្រជាពលរដ្ឋជារៀងរាល់ថ្ងៃ ហើយពលរដ្ឋអាចដឹងថាគាត់ធ្វើបានល្អ ឬមិនល្អ។

សម្ដេចក្រឡាហោមឧបនាយករដ្ឋមន្រ្តី ក៏បានផ្ដល់អនុសាសន៍ឱ្យថ្នាក់ដឹកនាំ និងមន្រ្តីរាជការទាំងអស់ សូមខិតខំប្រមូលបញ្ហានានារបស់ប្រជាពលរដ្ឋយកមកដោះស្រាយឱ្យមានតម្លាភាព យុត្តិធម៌ ធ្វើឱ្យពលរដ្ឋមានភាពកក់ក្ដៅក្នុងសង្គម។ ក្នុងឱកាសនោះដែរ សម្ដេចក៏បានផ្ដល់ការពន្យល់អំពីអត្ថន័យនៃអភិក្រមទាំង៥ដែលបានដាក់ចេញដោយសម្ដេចតេជោប្រមុខរាជរដ្ឋាភិបាល ក្នុងនោះសម្រាប់អភិក្រមឆ្លុះកញ្ចក់ សម្ដេចបានមានប្រសាសន៍ថា រាល់ការយល់ឃើញ ការលើកឡើងពីពលរដ្ឋ ពីមជ្ឈដ្ឋាននានា ការរិះគន់ក្នុងន័យស្ថាបនា គឺជាកញ្ចក់ឆ្លុះឱ្យឃើញពីបញ្ហានានា។

ពាក់ព័ន្ធនឹងការងារកំណែទម្រង់វិមជ្ឈការ និងវិសហមជ្ឈការ សម្ដេចក្រឡាហោមបានគូសបញ្ជាក់ថាសម្រាប់កម្ពុជា ទោះបីជាការងារនេះមិនទាន់អនុវត្តបានយូរ ប៉ុន្តែកម្ពុជាបានទទួលផលច្រើនសមគួរពីការអនុវត្តការងារកំណែទម្រង់នេះ ដ្បិតបណ្ដាប្រទេសនានា ពិសេសប្រទេសដែលកម្ពុជាបានរៀនសូត្រនោះ បានអនុវត្តការងារកំណែទម្រង់រដ្ឋបាលថ្នាក់ក្រោមជាតិនេះរាប់រយឆ្នាំ និងឆ្លងកាត់បទពិសោធន៍ច្រើនជាងកម្ពុជាផង។ សម្ដេចបានស្នើក្រុមប្រឹក្សា និងគណៈអភិបាលត្រូវខិតខំអនុវត្តអំណាចដែលថ្នាក់ជាតិផ្ទេរមកហើយនេះឱ្យបានល្អ ដើម្បីអភិវឌ្ឍន៍មូលដ្ឋានរបស់ខ្លួន៕

 


Continue Reading

Next: យោបល់ពីរចំណុចរបស់អ្នកវិភាគចៅចាក់ស្មុក ជូនទណ្ឌិត សម រង្ស៊ី

Related Stories

១៣ សីហា ១៩៤៣ ជាថ្ងៃ ដែលអាចារ្យហែម ជាវ
1 min read
  • Politics
  • នយោបាយ

១៣ សីហា ១៩៤៣ ជាថ្ងៃ ដែលអាចារ្យហែម ជាវ

October 11, 2021
ហេតុអ្វីចិនឈ្លានពានវៀតណាមក្នុងឆ្នាំ១៩៧៩?
1 min read
  • Politics
  • នយោបាយ

ហេតុអ្វីចិនឈ្លានពានវៀតណាមក្នុងឆ្នាំ១៩៧៩?

October 11, 2021
រដ្ឋធម្មនុញ្ញគឺប្រៀបបានជាច្បាប់កំពូលរបស់ប្រទេសមួយ ដែលបញ្ជាក់ពីច្បាប់នៃ…
1 min read
  • Politics
  • នយោបាយ

រដ្ឋធម្មនុញ្ញគឺប្រៀបបានជាច្បាប់កំពូលរបស់ប្រទេសមួយ ដែលបញ្ជាក់ពីច្បាប់នៃ…

October 11, 2021

Express Post

តារាសម្តែងអ្នកនាង សូ ដានីតា បង្ហាញមុខអ្នកជំពាក់លុយជិត ២០មុឺនដុល្លារ មិនព្រមសង !
1 min read
  • កម្សាន្ត
  • សន្តិសុខ សង្គម

តារាសម្តែងអ្នកនាង សូ ដានីតា បង្ហាញមុខអ្នកជំពាក់លុយជិត ២០មុឺនដុល្លារ មិនព្រមសង !

superadmin May 30, 2022
តារាសម្តែងអ្នកនាង សូ ដានីតា ទ្រាំលែងបាននៅការកុហកពីកូនបំណុល បានទម្លាយអត្តសញ្ញាណរបស់បុគ្គលម្នាក់ជាកូនបំណុលជិត ២០ម៉ឺនដុល្លារមិនព្រមសង។ មិនតែប៉ុណ្ណោះ អ្នកនាងបានសរសេរថា មានតារាសិល្ប:​ល្បីៗមិនក្រោម ១០នាក់ទេ ដែលទូរស័ព្ទទៅសុំខ្ចីលុយផងដែរ ។   នៅលើគណនីFacebookរបស់អ្នកនាងឈ្មោះ So Danita កាលពីយប់ម្សិលមិញបានបង្ហោះខ្លឹមសារខ្លីភ្ជាប់នឹងរូបថត...
Read More
អ្នកនាង យក់ ឋិតរដ្ឋា រៀបរាប់នូវការឈឺចាប់ ក្រោយរងនូវភាពអយុត្តិធម៌

អ្នកនាង យក់ ឋិតរដ្ឋា រៀបរាប់នូវការឈឺចាប់ ក្រោយរងនូវភាពអយុត្តិធម៌

May 30, 2022
ក្រោយសាលាដំបូងរាជធានីភ្នំពេញ បានធ្វើការបើកសវនាការ លើអង្គសេចក្ដីក្នុងសំណុំរឿងប្លន់ផ្ទះ ឧកញ៉ា អ៊ាន សៀវម៉ី ជនជាប់ចោទ វិល្លាម គ័ង បានឆ្លើយសារភាពថា…

ក្រោយសាលាដំបូងរាជធានីភ្នំពេញ បានធ្វើការបើកសវនាការ លើអង្គសេចក្ដីក្នុងសំណុំរឿងប្លន់ផ្ទះ ឧកញ៉ា អ៊ាន សៀវម៉ី ជនជាប់ចោទ វិល្លាម គ័ង បានឆ្លើយសារភាពថា…

May 27, 2022
រថយន្ដមួយគ្រឿងបទឆ្លងផ្លូវខ្វះការប្រុងប្រយ័ត្ត បានទៅបុកនិងម៉ូតូមួយគ្រឿង បណ្ដាលឲ្យបុរសម្នាក់របួសធ្ងន់

រថយន្ដមួយគ្រឿងបទឆ្លងផ្លូវខ្វះការប្រុងប្រយ័ត្ត បានទៅបុកនិងម៉ូតូមួយគ្រឿង បណ្ដាលឲ្យបុរសម្នាក់របួសធ្ងន់

May 1, 2022
បុរសម្នាក់បានធ្វើ អត្ត.ឃា.តចង.ក សម្លា.ប់ខ្លួន​ ព្រោះមានវិបត្តិរឿងស្នេហា

បុរសម្នាក់បានធ្វើ អត្ត.ឃា.តចង.ក សម្លា.ប់ខ្លួន​ ព្រោះមានវិបត្តិរឿងស្នេហា

April 20, 2022

You may have missed

តារាសម្តែងអ្នកនាង សូ ដានីតា បង្ហាញមុខអ្នកជំពាក់លុយជិត ២០មុឺនដុល្លារ មិនព្រមសង !
1 min read
  • កម្សាន្ត
  • សន្តិសុខ សង្គម

តារាសម្តែងអ្នកនាង សូ ដានីតា បង្ហាញមុខអ្នកជំពាក់លុយជិត ២០មុឺនដុល្លារ មិនព្រមសង !

May 30, 2022
អ្នកនាង យក់ ឋិតរដ្ឋា រៀបរាប់នូវការឈឺចាប់ ក្រោយរងនូវភាពអយុត្តិធម៌
  • កម្សាន្ត
  • សន្តិសុខ សង្គម

អ្នកនាង យក់ ឋិតរដ្ឋា រៀបរាប់នូវការឈឺចាប់ ក្រោយរងនូវភាពអយុត្តិធម៌

May 30, 2022
ក្រោយសាលាដំបូងរាជធានីភ្នំពេញ បានធ្វើការបើកសវនាការ លើអង្គសេចក្ដីក្នុងសំណុំរឿងប្លន់ផ្ទះ ឧកញ៉ា អ៊ាន សៀវម៉ី ជនជាប់ចោទ វិល្លាម គ័ង បានឆ្លើយសារភាពថា…
  • សន្តិសុខ សង្គម

ក្រោយសាលាដំបូងរាជធានីភ្នំពេញ បានធ្វើការបើកសវនាការ លើអង្គសេចក្ដីក្នុងសំណុំរឿងប្លន់ផ្ទះ ឧកញ៉ា អ៊ាន សៀវម៉ី ជនជាប់ចោទ វិល្លាម គ័ង បានឆ្លើយសារភាពថា…

May 27, 2022
រថយន្ដមួយគ្រឿងបទឆ្លងផ្លូវខ្វះការប្រុងប្រយ័ត្ត បានទៅបុកនិងម៉ូតូមួយគ្រឿង បណ្ដាលឲ្យបុរសម្នាក់របួសធ្ងន់
1 min read
  • សន្តិសុខ សង្គម

រថយន្ដមួយគ្រឿងបទឆ្លងផ្លូវខ្វះការប្រុងប្រយ័ត្ត បានទៅបុកនិងម៉ូតូមួយគ្រឿង បណ្ដាលឲ្យបុរសម្នាក់របួសធ្ងន់

May 1, 2022

Gallery

CONTACT US

TEL: (+855) 10339939
TEL: (+855) 61339939
TEL: (+855) 882841111

Email: kongsareth@new-era.info

Address: #D42, street denest, Trong Maon village, Sangkat Ou Bek K’orm, Khan sen sok, Phnom Penh
2021 Copyright © All rights reserved. | Designed : by NEWS ERA.