បុរសម្នាក់បានមកលោចទឹកសម្លាប់ខ្លួននៅស្ពានជ្រោយចង្វារ ហើយបានព្យាយាមហែលទឹកឡើងច្រាំងវិញ ជាអកុសលហែលជិតដល់ច្រាំងហើយ ក៏បានលិចបាត់ឈឹង

ភ្នំពេញ ៖ បុរសម្នាក់ប្រហែលជាមានវិបត្តិអ្វីមួយ បានសម្រេចចិត្តជិះម៉ូតូមកឈប់លើស្ពានជ្រោយចង្វារ ហើយក៏លោតចូលក្នុងទន្លេបាត់ ប៉ុន្តែបុរសនោះ បានព្យាយាមហែលទឹកឡើងច្រាំងវិញ ជាអកុសលហែលជិតដល់ច្រាំងហើយ ក៏លិចបាត់ឈឹង។

ករណីនេះបង្កឲ្យមានការផ្ញាក់ផ្អើលឡើង កាលពីវេលាម៉ោង ១២ថ្ងៃត្រង់ ថ្ងៃទី១៨ ខែមេសា ឆ្នាំ២០២២ នៅលើស្ពានជ្រោយចង្វារថ្មី ក្នុងមូលដ្ឋាន សង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ។

ប្រភពពីកន្លែងកើតហេតុ នៅមុនពេលកើតហេតុ គេឃើញ​បុរសម្នាក់នោះ ជិះម៉ូតូម៉ាកសង់ប៊ិច ពណ៌ខ្មៅ ពាក់ស្លាកលេខ សៀមរាប 1M-0305 ធ្វើដំណើរឡើងស្ពានពីកើតទៅលិច​ នៅពេលឡើងដល់លើស្ពានជ្រោយ​ចង្វារថ្មីជិតដល់កណ្តាលស្ពាន ក៏បានឈប់ម៉ូតូ ស្ទុះទៅតោងបង្កាន់ដៃស្ពាន លោតចុះទៅក្នុងទន្លេតែម្តង។

ប្រភពដដែលបានឲ្យដឹងទៀតថា ភ្លាមៗនោះគេឃើញបុរសនោះ បានហែលទឹកចូលខាងវិញ ជិតដល់ច្រាំងទន្លេហើយស្រាប់តែ​លិច​បាត់ឈឹង​។

បន្ទាប់ពីធ្វើអត្តឃា.ត បានបន្សល់ទុកម៉ូតូមួយគ្រឿងនៅលើស្ពាន ហើយ​នគរបាលប៉ុស្តិ៍ជ្រោយចង្វារ បាន​យកម៉ូតូនោះ ទៅរក្សាទុក។