ក្រុម.ហ៊ុន Google បានប្រកាសថា បានបន្ថែមមុខងារតេជាសំ.ឡេង និងវីដេអូ តាមរយៈ Google Chat ជាមួយកម្មវិធី Gmail ដែលកាលពីមុនដើម្បីលោកអ្នកអាចធ្វើការហៅទូរសព្ទចេញពីក្នុងកម្មវិធី Gmail នៅលើទូរសព្ទដែលមានប្រព័ន្ធប្រតិបត្តិការ iOS និង Android អ្នកប្រើប្រាស់ត្រូវផ្ញើការអញ្ជើញជាមុនតាមរយៈ Google Meet ដែលធ្វើឱ្យការប្រើប្រាស់មានភាពសាំញ៉ាំ និងមានកម្រិត។
ក្នុងពេលនេះ អ្នកប្រើប្រាស់អាចធ្វើការហៅទូរសព្ទ ដោយគ្រាន់តែចុចនៅលើរូបតំណាងទូរសព្ទ និងវីដេអូថ្មី ដែលបង្ហាញនៅជ្រុងខាងលើផ្នែកខាងស្តាំនៃកម្មវិធី។ លើសពីនេះ អ្នកប្រើប្រាស់ដែលចាប់ផ្តើមការហៅទូរសព្ទពីកម្មវិធី Google Chat នឹងត្រូវបានបញ្ជូនបន្តទៅកាន់កម្មវិធី Gmail វិញ។
គូសបញ្ជាក់ដែរថា មុខងារហៅទូរសព្ទនេះកំពុងដាក់ឱ្យប្រើប្រាស់ចាប់ពីថ្ងៃទី ៦ខែធ្នូ កន្លងទៅ សម្រាប់អ្នកប្រើប្រាស់ដែលមានគណនី Google Workspace, G Suite ឬ personal Google។
